Last episode of Saruma Sameer I सरुमा समीर - एक साँचो प्रेम कथा I अनुच्छेद १५ I

समीर पुगिग्यो घर, काकालाई बोलायो।
"काँ धपाए मेरी सरू?,सोधुनु लागीग्यो।
" ए बुबा समीर मेरा, तेरि सरूकि चाल।
बिगडेकी धेक्या मुईले, रैछ पापि जाल"।।

" तेरो बाटो हेरी रैथि, कब झान्छ भुणी।
तिरीया चरित्र पसी, खुट्टा मुक्या भुणी।।
समझाया नाईसम्झी कति, छाडी दिया झानु।
सरूली उडाल निगै, गाउँवाला भुण्णानु"।।

समीर कामन पडी, कपटीका कुरा।
सरूलाई लाएको दोष, कल्जा लाग्या छुरा।।
समीर शान्त होई बोल्यो, "ठिक छ काका गया।
तसी सरू कति आौलि, मेरा काका भया"।।

"तति साँचो बोल्या काका, जीबडो कसो छ।
हेदाकि रहर र‌ैगै, ध‌ैं काका कसो छ?"।।
हाँसुन पसिग्यो काका, आदत पुरानी।
नाई छुटी आँजी लै चेला, ठट्टा गध्दया बानी"।।

काकाले जिबडो तान्यो, समीरले थाम्यो।
खल्ती ह‌ै निकाल्यो छुरा, जिवडामा राख्यो।।
दुई हात काकाले जोडयो, थर थर कामीग्यो।
समीर नाई लागि दया, जिबडो काट् दियो।।

नाईपायो सरूको पत्ता, सुरेश मिलन।
समीर देथला पुग्यो, दौडी उसै दिन।।
सरूमा जुमली ल‌ैग्यो, भ्यूपालले बेच्यो।
पत्तो पायो समीरले, भ्यूपाल धाई गयो।।

"एक चेली दुई फेरि बेचे, हे पापी लालसी।
तोइ जसा पापीले आँजी, बचीरनु ठिक छ कि?।।
मेरी सरू मुई नाई मिलौ, कातरो खोजी राखेई।
नरक पुगलै पैलि, इति सम्झी राखेई"।।

फर्कियो समीर ताँ है,मुख थुकि दियो।
सुरेश पुछडा लाग्यो, तै लै संग लियो।।
समीर जुमला पुग्यो, जोगीको भेष गरि।
सुरेश घुमनु लाग्यो, दिदीको खोज गरि।।

सरूमा बिचारी रून्थीन, समीर कि याद।
"सकिग्यो आजको दिन, छै म‌ैनाको म्याद ।।
हे दैब छै म‌ैना काट्या, धर्म बचाई दिया।
आब छ बचुनु गाडो, निउँ गँरू मुई क्याको?"।।

"पराइ मर्दका साथ, बसी ज्यूना है त।
आफुना धर्मका साथ, मर्नु निको दैब"।।
सुरेशले पत्ता लायो, दिदी रन्या ठाँउको।
दिदी थाई पुगीग्यो झट्ट‌ै, मन खुसी होइग्यो।।

रूना रूना सरूमाका, आँखा ओसाइगया।
दिदी भौव्वा भेट भै छ, हेरयाका हेरयाई रया।।
"आइगैछ काहै तैं बुदी, मुइले झान्या बेला।
छडयौलाकी भीट हो बुदी, पुगे ठिक्क बेला"।।

सुरेश नाई रोयो आजी, बोलनु लागीग्यो।
"तेरो काल आइथ्यो दिदी, भुई धेकि भाजीग्यो।।
भिनाजु जोगीका भेष, पुगीगया दिदी।
अन्यारो पडन्ज्या हमलै, निसी झौला दिदी"।।

सुरेशका कुरा सुणी, सरू खुसी भै छ।
दुबै जना लुकि बाहिर, झान्या निधो भ‌छ।।
समीर जोगीका भेष, घर घर धुमी।
लाटा छाडी सप्पै मारयो, महाजन धनी।।

भाइ बैना पुगीगया, तीन जना भिटिया ।
दैब ज्यूले मिलाई दियो, छै मैना छुट्टीया ।।
समीर बोलनु लाग्यो, सबजना मारीया।
काम गद्दा कि चाहिलो भुणी, लाटा बचाई दिया।।

सरूमा डरिगै मन, "हे समी बिन्ती छ ।
लाटो यो स्यापको छौनो, सम्झीदे बिन्ती छ ।।
आगो नानो ऋण नानो, बैरी नानो हुना।
नाई धेक्या नाई सुण्या कभै, बैरी आफ्नो हुना "।।

समीर हाँसनु लाग्यो, "कि गरलो लाटो?।
जन डरै तति सरू, नाई बिगाडौ लाटो"।।
घघरियाकि कब चली, मर्दका ऐतिर?।
समीरका कुरा सुणी, झुकाई दियो शीर।।

सरूमा लागि गै चुप्प, वाटा लागि ग्यान।
लाटाल‌ै लैगया संगै, चारजना होई ग्यान।।
हिट्टा हिट्टा पुगी गया, कर्णालीका छाल।
पैलो दिन तैसै ठौर, बसी गया व्याल।।

सरूले पकाई भात, लाटो पानी गयो।
"जोई जार आँखाको झार", लाटो शुचि गयो।।
गँग्लोडो समायो ठूलो, पानी भरी लियो।
सरूमाले पानी सारी, समीरलाई दियो।।

समीर पिन पस्यो पानी, लाटा मौका मिल्यो।
गँग्लोडो सुसाई हाण्यो, समीर थलीग्यो।।
सरूमा सुरेश आया, धेकि हाल्यो हाल।
दुई जना बेहोश होइग्या, कर्णालीका छाल।।

सरूमा डाड हाली रोइन, "हे मेरा समीर ।
कसेरी छाडी गृ समी, गँग्लोडाका काल"।।
सुरेश रून लाग्यो," काट्यो आफ्नो बाटो।
जन डरै तती सरू, नाई बिगाडौ लाटो"।।

हाँसुन्थ्यो बोलुन्थ्यो आफुइ, कैले आफुइ रून्थ्यो।
"जन डरै तति सरू, नाइ बिगाडौ" भुन्थ्यो
सुरेश पागल होइग्यो, समीर परलोक।
सरूमा बिचारी लाग्यो, रोईरन्या रोग।।

सरूमाका रूना सुणी, छान्छे खेडी ग्यान।
हाल चाल बुझी लाटा, पिट्नु पस्यान।।
सरूमा बोलनु लागि, लटा क्याई मारन्छौ।
यस‌ै थ्यो कर्ममा लेख्यो, क्याई पाप गरन्छौ II

"गरि दियस दया भायौ, दाउरा खोजी दिएस"।
मुई पति संस्कार गध्दौ, चिता लगाइ दियस" ।।
सरूमाकी बात सुणी, सबै दया आईछ।
समीरलाई चिता माथी, राखी जलाई दिइछ।।

सरूमा मरनु खोज्जी, पति शीत जली।
गाउँल्या रोकना पस्या, सरू चाल चली।।
"ए भायौ अचम्म कि भ्यो, नाई बोल्लान चरा।
समीर मर्नाले हो कि, दिनै लाग्या तारा।।

गाउँल्या अचम्म लाग्या, दिनमा लाग्या तारा!"।
साँचो होकी झुठो भुणी, हेर्न पस्या सारा।।
सरूमाले मौका पायो, हाल्यो धुनी फाल।
बल्नु पसीगै सरू, समीरका काल।।

गाउँ बाला हेरून्या बेला, सरू जली ग‌छ।
समीरको काल आयो, सरू सती ग‌ैछ।।
मरी गया सरू-समीर, छाडी गया माया।
अमर प्रेमको कथा, हमल‌ै सिकाई गया।।

मौलिक वाचिका : स्व श्रीमति यशोदा चन्द (Grandmother)

संकलनकर्ता : टेक चन्द "मार्साप" (Father)

प्रस्तूतकर्ता : प्रेचन "पाखे" (Uncle)

समर्पण : स्व हजुरअामाको अबिश्मरणीय समृतीमा समर्पण

English Translation: Bimal Chand (Grandson of Yashoda Chand, Son of Tek B. Chand, nephew of Prem B. Chand)

There are total 15 chapters. Hope you all will enjoy one by one. I want to publish this story in the form of a book for my grandmother, father and uncle. Your support will be very much appreciated. Please like, comment and share this story.

Chapter 2 in Both Languages Here. Click the Link Below:
https://successvsobstacles.blogspot.com/2017/04/saruma-sameer-chapter-2.html

Click the LINK BELOW to read Other Chapters in Nepali/paschimi Language:
For other chapters English translation is coming soon..


B. Nepali/Paschimeli Language:

a. सरुमा समीर - एक साँचो प्रेम कथा I अनुच्छेद १ I
b. सरुमा समीर - एक साँचो प्रेम कथा I अनुच्छेद २ I
c. सरुमा समीर - एक साँचो प्रेम कथा I अनुच्छेद ३ I
d. सरुमा समीर - एक साँचो प्रेम कथा I अनुच्छेद ४ I
e. सरुमा समीर - एक साँचो प्रेम कथा I अनुच्छेद ५ I
f. सरुमा समीर - एक साँचो प्रेम कथा I अनुच्छेद ६ I
g. सरुमा समीर - एक साँचो प्रेम कथा I अनुच्छेद ७ I
h. सरुमा समीर - एक साँचो प्रेम कथा I अनुच्छेद ८ I
i. सरुमा समीर - एक साँचो प्रेम कथा I अनुच्छेद ९ I
j. सरुमा समीर - एक साँचो प्रेम कथा I अनुच्छेद १० I
k. सरुमा समीर - एक साँचो प्रेम कथा I अनुच्छेद ११ I
l. सरुमा समीर - एक साँचो प्रेम कथा I अनुच्छेद १२ I
m. सरुमा समीर - एक साँचो प्रेम कथा I अनुच्छेद १३ I
n. सरुमा समीर - एक साँचो प्रेम कथा I अनुच्छेद १४ I
o.  Last episode of Saruma-Sameer I सरुमा समीर - एक साँचो प्रेम कथा I अनुच्छेद १५ I

1. Episode 1:
https://successvsobstacles.blogspot.com/2020/03/i-i_28.html

2. Episode 2:
https://successvsobstacles.blogspot.com/2020/03/i-i.html

3. Episode 3: 
https://successvsobstacles.blogspot.com/2020/03/i-i_90.html

4. Episode 4:
https://successvsobstacles.blogspot.com/2020/03/i-i_54.html

5. Episode 5:
https://successvsobstacles.blogspot.com/2020/03/i-i_82.html

6. Episode 6:
https://successvsobstacles.blogspot.com/2020/03/i-i_76.html

7. Episode 7:
https://successvsobstacles.blogspot.com/2020/03/i-i_87.html

8. Episode 8:
https://successvsobstacles.blogspot.com/2020/03/i-i_8.html

9. Episode 9:
https://successvsobstacles.blogspot.com/2020/03/i-i_3.html

10. Episode 10:
https://successvsobstacles.blogspot.com/2020/03/i-i_78.html

11. Episode 11:
https://successvsobstacles.blogspot.com/2020/03/i-i_86.html

12. Episode 12:
https://successvsobstacles.blogspot.com/2020/03/i-i_38.html

13. Episode 13:
https://successvsobstacles.blogspot.com/2020/03/i-i_26.html

14. Episode 14:
https://successvsobstacles.blogspot.com/2020/03/i-i_27.html

15. Episode 15:
https://successvsobstacles.blogspot.com/2020/03/last-episode-of-saruma-sameer-i-i-i.html

THANK YOU FOR READING. PLEASE SHARE THIS STORY IF YOU LIKE IT.